Главная » Молитвы » Молитвы Иоанну Сочавскому на торговлю

Молитвы Иоанну Сочавскому на торговлю

Чтобы у Вас всегда торговля была удачной необходимо молиться Иоанну Сочавскому, который является покровителем людей занимающихся торговлей. Также нужно купить икону этого святого и разместить ее в торговой точке и по необходимости обращаться к ней за помощью.

Молитвы Иоанну Сочавскому на торговлю

Житие на земли добре окормляя, страдальче, милостынями, и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне.

Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль, и Тому последовал еси кровию мучения, временными искупив непроходимая, и венец приял еси непобедимый.

Святый великомучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани.

Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию.

Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Ему же подобает всякая слава, честь и держава со Отцем и Святым Духом, ныне и присно и во веки веков.

Аминь.

О святый угодниче Божий, Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его.

Темже взирающе на святый твой образ, радуемся о преславнем скончании жительства твоего и чтем святую память твою.

Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Святый, славный и всехвальный Великомучениче Христов, Иоанне, несумненный ходатаю нашего спасения. Молим Тя раби Твои, собрании днесь в Божественнем Твоем храме и раце святых мощей поклоняющиеся; милостив буди якоже нам, тако и далече отстоящим и на помощь Тя призывающим и мученическая Твоя страдания похвалами ублажающим.

Испроси нам всем у Многомилостиваго Господа Бога и Спаса нашего Иисуса Христа прощения и оставления грехов до сего дне и часа содеянных нами. Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных; всегда, ныне и присно и во веки веков.

Аминь.

О admin

x

Check Also

Молитвы об исцелении от болезней, Правмир

В это статье Вы найдёте молитвы об исцелении болезней: молитвы на всякую немощь, молитвы великомученику и целителю Пантелеимону и некоторые другие. (составлена преподобным Гавриилом Седмиезерским) Пресвятая Богородице Дево, жива сущая и по смерти спасающая присно ...

Молитва от пьянства мужа — сильная и проверенная

С алкогольной зависимостью супруга вынуждены сталкиваться большинство женщин нашей необъятной родины. Губительное пристрастие к спиртному — это огромная проблема, которая кого угодно способна выбить из колеи, особенно если уже испробованы все средства по её устранению, ...

Икона равноапостольной княгини Ольги

Информационный сайт про иконы, молитвы, православные традиции. «Спаси, Господи!». Спасибо, что посетили наш сайт, перед тем как начать изучать информацию, просим подписаться на нашу группу Вконтакте Молитвы на каждый день, нас уже больше 70 000 ...

Молитва николаю об устройстве на работу на сайте

Постараемся детально ответить на вопрос: молитва николаю об устройстве на работу на сайте: молитва-богу.рф — для наших многоуважаемых читателей. Молитва, чтобы взяли на работу, – кому и как молиться Каждому взрослому человеку хоть раз в ...